તુવેરમાં કાપણી અને સંગ્રહ
કાપણી અને સંગ્રહ :
તુવેરની શીંગો પાકીને તૈયાર થાય કે તરત જ શીંગવાળી ડાળીઓની કાપણી કરી લેવી. ત્યારબાદ શીંગવાળી ડાળીઓને ખળામાં સુકવવી. શીંગો બરાબર સુકાયજાય ત્યારે ટ્રેકટર કે બળદથી મસળી અથવા થ્રેશરથી દાણા છુટા પાડવા.
જો તુવેરનો સંગ્રહ લાંબા સમય માટે કરવાનો હોય તો નીચે દર્શાવ્યા પ્રમાણેની પધ્ધતિ અપનાવી.
- તુવેરની શીંગો પાકીને તૈયાર થાય કે તરત જ શીંગવાળી ડાળીઓની કાપણી કરી લેવી. ત્યારબાદ શીંગવાળી ડાળીઓને ખળામાં સુકવવી. શીંગો બરાબર સુકાયજાય ત્યારે ટ્રેકટર કે બળદથી મસળી અથવા થ્રેશરથી દાણા છુટા પાડવા.
- જો તુવેરનો સંગ્રહ લાંબા સમય માટે કરવાનો હોય તો નીચે દર્શાવ્યા પ્રમાણેની પધ્ધતિ અપનાવી.
- તુવેરનો સંગ્રહ જે જગ્યાએ કરવાનો હોય ત્યાં દિવાલ, છત અને ભોયતળીયાની સફાઈ બરાબર કરવી.
- તુવેરની હેરફેર માટે ઉપયોગમાં લેવાનાર બળદગાડુ, ટ્રેકટરની ટ્રોલીમાં ભરાઈ રહેલ કઠોળને સાફ કરવું.
- તુવેર ભરવાના પીપ, કોઠીઓ કે કોથળાની પણ બરાબર સાફ સફાઈ કરવી.
- તુવેરને બે-ત્રણ દિવસ તાપમાં તપાવ્યા બાદ તેનો ભેજ ૧૦ ટકા કરતા ઓછો થાય ત્યારબાદ સંગ્રહ કરવો.
- તુવેરના દાણા છુટા પાડયા બાદ તેમાં રહેલ કચરો વગેરે દૂર કરી દાણાને સાફ કરી ગ્રેડીંગ કરી જંતુરહીત કોથળા અથવા કોઠીઓમાં ભરવા.
- ભોંટવાના ઉપદ્રવથી કાબૂ મેળવવા તુવેરનો સંગ્રહ પીપમાં કર્યા બાદ તેના ઉપર ચાળેલ બારીક રેતીનો ૩ ઈંચનો થર કરવો.
- જાળવણી માટે તુવેર ભરેલ કોઠીમાં એલ્યુમિનિયમ ફોસ્ફાઇડ નામની ટીકડીનો ઉપયોગ કરવાથી તે હવામાના ભેજના સંપર્કમાં આવતા ઝેરીવાયુ (ફોસ્ફીન) છુટો પાડે છે અને તે કીટકોની જુદી જુદી અવસ્થાનો નાશ કરે છે. એલ્યુમિનિયમ ફોસ્ફાઈડનું એક પાઉચ ૧૦૦ કિલો દાણા પ્રમાણે વાપરવું.
- આ ઉપરાંત તુવેર ભરેલ કોઠીમાં ઈ.ડી.બી. (ઈથીલીન ડાય બ્રોમાઈડ) નામની ટયૂબ (એમ્પ્યુલ) નો ઉપયોગ કરવામાં આવે છે. આ ટયૂબને વચ્ચેના ભાગમાંથી તોડીને કોઠીમાં નાખી ઢાકણું બંધ કરવુ. ૧ કવીન્ટલ દાણા માટે ૩ મિલિની એક થી બે ટયુબનો ઉપયોગ કરવો.
તુવેર