પિયત પાણીનું વ્યવસ્થાપન - પાણીના પૃથક્કરણની ઉપયોગિતા શુ? - જૂનાગઢ કૃષિ યુનિવર્સિટી

પમ્પીંગ એકમ માટે અન્ય વિશેષ લેવાની થતી કાળજીઓ.

પમ્પીંગ એકમની લાંબી આવરદા તેમ જ તેની કાર્યક્ષમતા વધારવા માટે મોસમની શરૂઆત પહેલા તેની સર્વિસ કરવી એ અત્યંત મહત્વની બાબત છે. જેમાં, પમ્પ તથા મોટરને ખોલી તમામ ફરતા ભાગોને જરૂરી ઓઈલીંગ અને ગ્રીસિંગ કરી પમ્પ તથા મોટરનાં તમામ જોડાણો સખત રીતે જોડવા જોઈએ. પછી કેબલ ની ચકાસણીકર્યા બાદ મોટર ચાલુ કરી ઇલેક્ટ્રિક પેનલ ખાતે વોલ્ટેજ તથા એમ્પીયર તપાસવા જોઈએ. સાથે સાથે જો પાણી નો સ્ત્રોત છીછરો હોય તો, પ્રવાહમાં દખલરૂપ કોઇપણ દેખીતા અંતરાય, કચરા અને લીલ ને દુર કરવા જોઈએ. પંપનું દબાણ પ્રેસર ગેજની મદદથી જોઈ ડીઝાઈન કરેલ દબાણ સાથે સુસંગત છે કે નહિ તેની ચકાસણી કરવી જોઈએ. આ બધું સુનિશ્ચિત થયા બાદ જ પમ્પીંગ એકમ વ્યવસ્થિત કામ આપે છે તેમ માનવું જોઈએ.